Loreni kontratua luzatu eta gutxira Jokin Aperribai Realeko presidenteak klubaren jarduna nabarmendu du, eta esan du kirol arloan hazten ari dela. "Administrazio Kontseiluaren helburua da aurrera egiten jarraitzeko pausoak ematea. Orain daukagun filosofiarekin jarraitzea onena dela uste dugu", azpimarratu du.
Loren ere gustura agertu da kontratuaren luzapenarekin. Bere esanetan orain dela lau urte hasitako lana arrakastatsua izan da eta bere asmoa hori indartzen jarraitzea da. Bai Lorenek baita Aperribaik ere, gainera, ilusioz begiratzen diote denboraldi amaierari.
Kontratu luzatzearen xehetasunak eguerdian emango dituzte.
