Realak du meritua

Reala aukera paregabe baten aurrean dago. Txikitatik realzalea izanik eta Realeko jokalari ohia izanik, txuri-urdinak gaur txapeldun izango diren itxaropena daukat. Real Madrilen pasa nituen sei urteak oso onak izan ziren niretzat, baina gaur ez daukat zalantzarik, eta aurrerantzean Real Madrilek Realak baino horrelako aukera gehiago izango dituela uste dudanez nire bihotza Realarekin dago. Hala ere, horrek ez du esan nahi gaurko aukera berriz ere errepikatu ezingo denik: denboraldian zehar gauzak oso ondo egin dituzte txuri-urdinek eta gaurko aukera bakarra ez dela izango ere pentsatu daiteke. Normalena, gainera, hurrengo urtean ere oso ondo aritzea litzateke.

Realarena da partida garbiena, kanpotik ikusita. Atletico Madrilek ez du ezer jokoan eta aurreko jardunaldian ere gol zaparrada jaso zuen. Iruditzen zait mentalki oso indartsu ez direla egongo eta bukatzeko gogoak izango dituztela. Real Madrilena ikusi beharko da. Etxean jokatzen du eta Bernabeun zaila da ezustean harrapatzea, baina Athletic ez da aurkari erraza. Garrantzitsuena da Athleticek lehen minutuetan golik ez jasotzea, bestela giroarekin behera joango litzateke. Golik jaso gabe eusten badio, Real Madril urduri jar daiteke.

Aste nahasi samarra izan dute Madril aldean, Beckhamen fitxaketa dela eta, baina ez dut uste horrek eragin berezirik izango duenik jokalariengan, oso profesionalak baitira.

Real Madrilen sei urte oso on egin nituen, baina ni Realzalea naiz txikitatik eta han egin nintzen jokalari. Gainera, uste dut Realak meritu gehiago duela, Real Madrilentzat errazagoa dela hor goian egotea. Talde txikiagoa delako, aurrekontu txikiagoa, Real Madrileko jokalariak hobegoak dira, baina horrek ez du esan nahi taldea hobea denik. Realak talde oso ona lortu du. Taldeindartsua biltzea da Realaren arrakastaren giltza.Reala oso gutxitan egon da horrelako aukera baten aurrean, baina gauzak oso ondo ari dira egiten, eta hurrengo urtean batek daki noraino irits daitezkeen.