Realak ez dio kontratua berrituko De Pedrori

Javier De Pedrok ez du datorren denboraldian Realean jarraituko. Gaur jakinarazi dio Realeko zuzendaritzak erabakia Antiguako jokalariari. De Pedrori aurtengo ekainaren 30ean amaitzen zaio kontratua Donostiako taldearekin. Realak denboraldiaren amaieran emango dio De Pedrori klubaren urrezko eta brillantezko intsignia, lehen taldean hamar denboralditan baino gehiago jokatzeagatik. Halaber, denboraldiaren bukaera arte "De Pedroren profesionaltasunean konfidantza osoa" mantentzen duela jakinarazi du Realak agiri ofizial baten bitartez.