Realak ez dio Koparen ilusioari uko egin nahi, eta handia egiten saiatuko da

Pena da Realak gaur 2-3ko emaitzari buelta eman behar izatea (21:00). Pena, taldeak aukera ezin hobea eduki zuelako Anoetan kanporaketa bideratu eta aspaldian Kopan daraman bolada kaskarra hausteko. Hala ere, baikor da Martin Lasarte, lehen gola lortuz gero Almeria urduri jar daitekeela uste baitu. Deialdiak ere hala erakusten du, Bravo eta Carlos Martinezi baino ez dielako atsedena eman -Ansotegi deialdian dago-. Halere, Cadamuro eta Ilarramendirekin osatu behar izan du zerrenda, Zurutuza, Markel, Sutil, Tamudo eta Ifran min hartuta baitaude.Gehiegi lasaituz gero Realak ezustekoa eman dezakeela ohartarazi du Juanma Lillok.