Erasoan eta joko ona eginez hasi dira etxekoak. Irabazteko gogoz atera dira zelaira, eta Celtaren pare direla erakutsi dute lehen minutuetan. Lehen golak baikortasunari eusten lagundu du. Hamar minutura heldu da hura, William Josek sartu du sarean Xabi Prietok erdiratutako baloia.
Baikor eta markagailua alde edukita giro ona zen nagusi harmailetan. Denbora gutxirako, ordea. Penalti bat baliatuta Iago Aspasek sartu baitu banakoaren gola. BIgarren gola ere gertu izan dute Sacristanen mutilek, baina Rullik garaiz erantzun dio Pione Sixto danimarkarraren erasoari.
Berdinduta eta nekatuta hasi dute bigarren zatia txuri-urdinek. Ez dute etsi erasoan, hala ere. Sacristanek Mikel Oiartzabal zelairatu du taldea indartu asmoz, eta izan dituzte gol aukera onak ere. Baina ez dira horiek azkeneraino eramateko gai izan.
Zorte hobea izan du Celtak, eta 1-2koa lortu du partida amaitu aurreko azken minutuetan. Era horretan, garaipenik gabe jarraitzen dute txuri-urdinek estreinatu berri dugun urtea.
