Realak gora egin nahi du, gaur, Albaceten irabazita

Realak Albaceten (Espainia) jokatuko du gaur, 12:00etan. Talde txuri-urdinak helburu zehatza du ligan: postu onenean amaitzea. Egun, seigarren da, baina ez ditu urrun aurreko bi sailkatuak, Betis eta Athletic, lau puntura. Azken sei jardunaldietan bi talde horiei aurre hartu nahi die, eta hori eginda, inoizko posturik onena lortu. Aukera ona du gaur irabazteko: behean da Albacete, 13. postuan, eta galdu egin ditu azken hiru neurketak.