Realak ohar bidez jakinarazi du akordioa lortu duela Ingalaterrako Queens Park Rangers taldearekin Esteban Granero erdilaria fitxatzeko. 2018ko ekainaren 30a arte jokatuko du talde txuri urdinean, hala adostu dute jokalari madrildarrarekin. Granerok kontratua sinatu du eta gaur arratsaldean bere taldekideekin entrenatuko du.
Real Madrilen harrobian hazitako jokalaria da Granero; lehen mailan Getafen eta Real Madrilen aritu ostean, ingalaterrako Premier League-ra egin zuen jauzia, Queens Park Rangers taldera 2012an. Han, 27 partida jokatu zituen eta gol bakarra sartu, eta bere taldeak maila galdu zuen.
Iaz utzita heldu zen Realera, baina hilabeteren buruan lesio larria izan zuen eskuin belaunean eta ia denboraldi osoan jokatu gabe egon zen. Goizean jakinarazi du Realak Griezmannek ez duela taldean jarraituko.
