Irudia. Zubieta
Realaren lan ona, saririk gabe (1-2)
Realak 1-2 galdu zuen atzo Paris Saint Germainen aurka, eta ezin izan zen sailkatu Gipuzkoa Elite Kopako finalerako. Ez irabazi arren, txuri-urdinek lan handia egin zuten. PSG 0-1 aurreratu zen penaltiz (7.min.), eta Nahikarik 72. minutuan sartu zuen banakoa. Tarte horretan Realak gol aukera asko izan zituen, lehen zatian bereziki. Pozak, baina, gutxi iraun zuen, PSGk 79 minutuan sartu baitzuen 1-2koa. Frantziarrek bihar jokatuko dute finala (13:00), Zubietan, Atletico Madrilen aurka. Madrilgo taldeak bana egin zuen beste finalerdian Fortuna Hjorringen aurka, eta penalti jaurtiketetan sailkatu zen (4-3). Aurretik 3 eta 4. posturako partida jokatuko da.
Iruzkinak
Ez dago iruzkinik
Ordenatu