Julen Retegi eta Mikel Idoateren arteko buruz buruko txapelketako finalerdia hilaren 14an jokatuko da. Pilotalekua zehazteke dago oraindik. Hasiera batean asteburu honetan jokatzekoa zen, baina Retegik, eskuko minez, astebeteko atzerapena eskatu du eta EPELeko epaileak onartu egin du. Retegik mina du ezker eskuko hatz erakuslearen azpian, eta astebetean hobera egin dezakeela uste du. Arautegiak aldaketa hori ahalbidetzen du, ez duelako hurrengo faseko partidako datan eragiten.
Lehen finalerdia Mikel Urrutikoetxeak eta Juan Martinez de Irujok igande honetan jokatuko dute, Bilbon
