Txapeldun handien gisan amaitu du Primoz Roglicek (Jumbo-Visma) Espainiako Vuelta: azken etapa ere irabaziz. Itzuli osoan ez du aurkaririk izan esloveniarrak, eta bere hirugarren Vuelta irabazi du. Aurtengoan lau etapa poltsikoratu ditu.
Erlojupekoko txapeldun olinpikoa da Roglic, eta gaur erakutsi du hori beste behin. Hamalau segundo atera dizkio Magnus Cort Nielseni (EF), eta 52 Thymen Arensmani (DSM). Aurretik ere liderrak abantaila ederra zuen sailkapen nagusian, baina are eta gehiago zabaldu du gaur. Azkenean, Enric Masi 4:42 (Movistar) minutu atera dizkio, eta Jack Haigi (Bahrain), 7:40. Bi horiek osatu dute podiuma.
Erregulartasunaren maillot berdea Fabio Jakobsenek (Deceunick) irabazi du; mendikoa, Michael Storerrek (DSM); gazte onenarena, Gino Maderrek (Bahrain); eta talderik onena Bahrain Victorious izan da.
