Faboritoen artean batere zalapartarik gabe, espero zenak irabazi du Suitzako Itzulia, Sarnen eta Heiden artekoa: Peter Saganek (Cannondale). Bihurgune askokoa eta arriskutsua zen amaiera, eta Michael Albasinik (Orica) estu hartu du eslovakiarra. Baina azken 150 metroetan erreakzio polita edukita, bi besoak altxatuta helmugaratu da Sagan. Suitzako Itzulian bederatzigarren garaipena du jada Cannondalekoak. Bi lortu zituen 2011n, lau 2012an, bi 2013an eta gaur bederatzigarrena. Lehiaketara bueltan, garaipenaren lehian sartu da Sergio Luis Henao (Sky), eta hirugarren postu ona lortu du azkenean. Sailkapen nagusian ez da izan aldaketarik, eta Tony Martinek (Omega) jarraitzen du lider. Heiden eta Ossingen artean, laugarren etapa jokatuko da bihar (160,4 km).
Txirrindularitza
Saganena, Saganentzat
Cannondale taldeko eslovaquiarrak irabazi du Suitzako Itzuliko hirugarren etapa, talde txiki baten esprintean, Michael Albasiniri (Orica) eta Sergio Luis Henaori (Sky) aurrea hartuta.
Iruzkinak
Ez dago iruzkinik
Ordenatu
