Samuel Sanchezi egindako ebakuntza ondo irten da

TXIRRINDULARITZA. Samuel Sanchezi (Euskaltel-Euskadi) atzo egin zioten ebakuntza, aldakan zituen kaltzifikazioak kentzeko. Euskaltel-Euskadik adierazi duenez, ebakuntza «arrakastatsua» izan da. Txirrindulari espainiarra ez da izango taldeak datorren astelehenetik aurrera egingo duen egonaldian, egun batzuetan behintzat, atseden hartu beharko duelako.