San Antoniok arnasa hartzeko aukera galdu du Guadalajararen aurka

San Antoniok hurrengo asteak lasaiago igarotzeko aukera bikaina galdu zuen atzo etxean. Guadalajara hartu zuen NUPen,jaitsiera postuen langa markatzen zuen taldea, eta 26-27 galdu zuen. Iruñeko taldeak lehen zati tamalgarria egin zuen, atsedenaldirako zazpi goleko desabantailarekin iritsita, eta bigarrenean aldea murrizteko ahalegina egin arren,beranduegi zen. Porrotaren eraginez orain bi puntura ditu jaitsiera postuak. Egoera berdinean dago Anaitasuna.

Lehen zatian galdu zuen partida San Antoniok. Guadalajarak erakustaldia eman zuen lehen ordu erdian eta 11-18 irabazten joan zen aldageletara. San Antonio izenez, eta segur asko izanez, Guadalajara baino gehiago da, baina hori kantxa gainean erakutsi behar da. Bigarren zatian erakutsi zuen hori, Mindegia eta Agirrezabalagaren eskutik—bosna gol—.Apurka tartea jaten joan ziren, 24na berdintzeraino. Zailena eginda zegoen, baina Guadalajarak hobeto kudeatu zituen azken minutuak eta bi penalti sartuz tarte erabakigarria ireki zuen berriz. Nabarmentzekoa Mateo Garraldak bere etxea izandakoaneginiko lana, hiru gol sartu zituen bederatzi metrotatik.