Segundo bat baino gutxiagoko aldea atera dio San Juan Iberdrolak Zumaiari. Nahikoa, ordea, sailkapenean aurretik jartzeko. Hala puntu bakarreko aldea ateratzen dio lehenak bigarrenari sailkapen nagusian ere. Hirugarren eta laugarren tokian dauden Hibaika eta Orioren artean ere puntu bakarreko aldea soilik dute sailkapen nagusian, eta ia erabat berdinduta amaitu dute Orioko bandera ere.
Hala, beraz, aldea handitzen saiatu beharko dute igandean Portugaleten jokatuko den banderan.
San Miguel liga
Orain arteko ibilbideari eutsi eta bere nagusitasuna erakutsi du beste behin Hondarribiak, Orion, 19 minutu eta 15 segundoko denbora eginez. Bigarren tokian, geratu da Kaiku, hiru segundora, eta hirugarren Orio bost segundoko aldearekin.
Orain arteko hiru banderei beste bat gehitu die, beraz, Hondarribiak. Banarekin jarraitzen dute, berriz, Oriok eta Urdaibaik.
