San Miguel ligako datuak

TALDE KOPURUA

•Hamabi. Aurten ere hamabi talde ariko dira San Miguel ligan: Astillero, Castro, Hondarribia, Kaiku, Pedreña, Portugalete, San Juan, San Pedro, Tiran, Urdaibai, Zierbena eta Zumaia.

ESTROPADA KOPURUA

•Hemezortzi. Gaur hasi eta irailaren 17a bitartean jokatuko da San Miguel liga, eta hemezortzi estropada jokatuko dituzte —azken bietan, jaitsierako kanporaketa ere egongo da jokoan—.

HARROBIKO ARRAUNLARI GEHIEN

•Zumaia. 21 arraunlarietatik hemezortzi ditu harrobikoak.

HASIERATIK TKE LIGAN

•Lau talde. 2003an ekin zi- tzaion TKE ligari, eta lau klub urtero egon dira lehiaketa onenean: Castro, Hondarribia, Pedreña eta Urdaibai.

LIGAKO GARAILEAK

•Bost talde. Orain arteko bederatzi aldietan bost garaile izan ditu TKE ligak: Urdaibai (lau aldiz), Astillero (bi aldiz), Hondarribia, Castro eta Kaiku.

GARAIPEN GEHIEN

•38. Urdaibai da nagusi alor horretan, 38 estropada irabazi baititu liga sortu zenetik. Atzetik dauzka: Castro (31), Astillero (28), Orio (19) eta Hondartillero (19).

URTE BAKARREKO GARAIPEN KOPURUA

•Hamahiru. Castrok du marka. 2009an jarri zuen. Hamahiru bandera irabazi zituen, hamazazpi estropadatan. Urte horretan ere San Miguel liga irabazi zuen.

URTE GUTXIEN LIGAN

•Portugalete eta Zierbena. Aurtengo hamabi klubetatik, Portugaletek eta Zierbenak daramate denbora gutxien TKE ligan. Debutaren urtea dute hau.

ARRAUNLARIRIK BETERANOENA

•Carlos Laza. Castron dago arraunlaririk beteranoena: Carlos Laza espainiarra. 52 urte bete zituen urtarrilaren 30ean. 1982an hasi zen arraunean, eta Astilleron eta Kaikun ere ibilitakoa da.

ARRAUNLARIRIK GAZTEENA

•Adrian Nijs. Zumaian ariko da harrobiko arraunlari mutrikuar hau, eta urtarrilaren 20an,19 urte bete zituen.

PATROIRIK BETERANOENA

•Santiago Lopez. Santiago Lopez Castrokoa da patroirik beteranoena San Miguel ligan. 1959an jaio zen; 53 urte dauzka, beraz.

PATROIRIK GAZTEENA

•Eneko Bilbao. Urdaibaik dauka gazteena. Urriaren 18an beteko ditu 17 urte bermeotarrak.