Jon Santacana eskiatzaile donostiarrak bigarren domina irabazi du Sotxin (Errusia), Neguko Paralinpiar Jokoetan. Santacana bigarren izan da eslalomean. Valeri Redkozubov errusiarrak bakarrik hartu dio aurre. Joan den larunbatean, urrezko domina irabazi zuen Santacanak jaitsieran. Oraindik badu aukera beste bat irabazteko, larunbatean eslalom erraldoian lehiatuko baita.
33 urteko eskiatzaileak zortzi domina ditu jada jokoetan: urrezko eta zilarrezko hiruna, eta brontzezko bi.
