Players' Tribunen saskibaloiari idatziriko gutun baten bidez eman du Bryantek erretiroaren berri. Haren errendimendua auzitan jarri izan dute azken asteetan, sasoia hasi zenetik emaitza kaskarrak lortu baititu. Los Angeles Lakerseko eskoltak lesio larria izan zuen urte hasieran, eta hilabeteak eman zituen jokatu gabe.
Bryanti (37 urte) kontratua bukatzen zaio ekainean, eta tituluagatik borroka egiteko moduko proiektua nahi du Lakersen. Duela egun batzuk aipatu zuen erretiroa hartzeko aukera: "Gauzak aldatzen badira, heldu den sasoian itzuliko naiz; bestela, bukatu da".
Erretiroa hartzean, NBAko historian saskiratze gehien lortu dituen hirugarren jokalaria izango da, Kareem Abdul-Jabbar eta Karl Maloneren atzetik.
