Sebastien Loeb buruan, Kataluniako Rallyan

RALLYAK. Bigarren etaparen ondoren, Sebastien Loebek (Citroen) buruan jarraitzen du Kataluniako Rallyan. Ostiralean, azken zatian, 46 segundo galdu zituen Jari Matti Latvalak (Ford), eta alde hori irauli ezinik dabil finlandiarra. Gaur amaituko da proba, eta une honetan 27,6 segundoko aldea dago Loeben eta Latvalaren artean. Mikko Hirvonen (Ford) dago hirugarren postuan, frantziarrarekiko 1.51 minutura.