Sebastien Loeb ipini da lider Alemaniako proban

RALLYAK. Sebastien Loebek (Citroen) hartu zuen lidertza atzo Alemaniako proban, lehenengo etapa jokatu ondoren. Eguraldiak erabat baldintzatu zuen lasterketa, eta frantziarrak asmatu zuen gehien pneumatikoekin. Bigarren Sebastien Ogier (Citroen) izan zen, zazpi segundo pasatxora, eta Mikko Hirvonen (Ford) hirugarren, minutu bat eta hemezortzi segundora.