Sebastien Loebek eskura dauka Kataluniako Rallya

RALLYAK. Akats handiren bat egiten ez badu, behintzat, Sebastien Loeb frantziarrak irabaziko du gaur Kataluniako Rallya. Citroen etxeko pilotuak 44 segundora dauka Petter Solberg (Citroen), eta 1.01 minutura Dani Sordo (Citroen). Atzoko sei zatietatik lau irabazi zituen frantziarrak. Gaur aldeari eutsiz gero, Loebek seigarren aldiz jarraian irabaziko luke Kataluniako Rallya.