Sei hilabete barru jokatzeko moduan egon daiteke Berasaluze II.a

Ezker oineko orpazurda hautsi zuen joan den igandean Pablo Berasaluze pilotariak finalean. Operazioa ongi atera da, eta "behar bezala orbaintzeko faktoreak" aplikatu zaizkio, Mikel Sanchez medikuaren taldeak jakinarazi duenez. Bi aste barru puntuak kentzera itzuliko da ospitalera, eta hortik aurrera hasiko ditu osatze ariketak. "Sei hilabete barru-edo jokatzeko moduan" egon daitekeela jakinarazi du Asegarcek.