Iaz egin bezala, Irlandak irabazi du aurten ere Sei Nazioen torneoa. Irlandarrek Ingalaterrarekin eta Galesekin berdinduta bukatu dute torneoa, baina puntu-aldeari esker izan dira txapeldun.
Azken jardunaldian txapela irabazteko aukera zuten hiru selekzioek lortu dute garaipena: Irlandak 10-40 Italiaren aurka, Ingalaterrak 55-35 Frantziaren aurka eta Galesek 20-61 Italiaren aurka.
Azkenean, sei punturen aldeaz izan dira txapeldun irlandarrak. Irlandak hamahirugarren titulua du Europako selekzioen arteko txapelketa nagusian, hirugarrena Sei Nazioen torneoa denetik.
