Australiako Irekiak badu emakumezkoen garailea: Maria Sharapova errusiarra. Ana Ivanovic serbiarra izan du aurkari gaur finalean, eta 7-5 eta 6-3 irabazi dio.
Hirugarren Grand Slam torneoa du Sharapovak. 2004an Wimbledon irabazi zuen, 2006an Ameriketako Estatu Batuetako Irekia. "Hala ere, oraindik ez dut goia jo. Uste dut fisikoki gehiago hobetuko dudala, eta tenisean gauza asko ditut ikasteko", esan du finalaren ondoren.
Iaz Australiako Irekiko finalera heldu zen Sharapova, baina hiru joko besterik ez zituen egin Serena Williamsen kontra.
Gizonezkoetan Jo-Wilfried Tsonga frantziarrak eta Novak Djokovic serbiarrak jokatuko dute finala, bihar.
Bikoteka, gizonezkoetan Jonathan Erlich-Andy Ramek (Israel) irabazi dute irekia. Arnaud Clement-Michael Llodra (Frantzia) 7-5 eta 7-6 hartu dituzte mendean finalean.
Argazkian, Sharapova Australiako Irekiko koparekin, gaur.
Tenisa
Sharapovak irabazi du Australiako Irekia
7-5 eta 6-3 hartu du mendean Ivanovic.
Iruzkinak
Ez dago iruzkinik
Ordenatu
