Simon Gerransek irabazi zuen Down Under Tourra

TXIRRINDULARITZA. Simon Gerrans (GreenEdge) igo zen podiumaren gorenera herenegun Down Under Tourrean. Australiarrak Alejandro Valverderi (Movistar) kentzen zion aldeari eutsi zion. Sailkapen nagusian Gorka Izagirre (Euskaltel-Euskadi) izan da lehen euskalduna, 40. postuan. Seigarren etapa, azkena, Andre Greipelek (Lotto) irabazi zuen. Alemaniarrak hiru etapa irabazi ditu.