Sorhuet eta Etxeto finalerako sailkatu dira

TRINKETA. Sorhuetek eta Etxetok binakako finalerako txartela lortu zuten herenegun Maulen, Etxeberri eta Arizmendiren aurka galdu arren (40-37). Ligaxkako azken partida zen, eta galtzaileek hamabi tanto baino gutxiagoz galtzearekin aski zuten. Finalerdi bakarra, beraz, Etxeberri-Arizmendik eta Ibarrola-Ozafrainek jokatuko dute, larunbat honetan, Arrangoitzen.