Tiago Splitter Caja Laboraleko pibota bi astean jokatu ezinik izango da, ezkerreko orkatilean kolpea hartu zuelako atzo Gasteizen, eta, ondorioz, osatze lana ondo badoa justu-justu iritsiko da Espainiako Kopako fasera, hau otsailaren 18an hasiko baita, Barakaldon, BECen -eurak 19an ariko dira, Bilbao Bizkaia Basketen kontra-.
Bi aste hauetan Espainiako ACB Ligako bi partida -Xacobeo eta Valentziaren aurka- eta Euroligako bigarren faseko beste bi -Zibonaren kontra ostegunean eta Khimkiren aurka- jokatuko ditu Caja Laboralek.
Balorazio arloan ACB Ligako jokalaririk onena ari da izaten Splitter, 21,45eko batez bestekoarekin (kasu, 15,9 puntu daramatza partidako eta 6,85 errebote)
Haren ordezkoak min hartuta segitzen du: Stanko Baracek. Beste hiru asterako dauka.
saskibaloia
Splitter justu-justu iritsiko da Espainiako Kopara
Atzo orkatilean min hartu ostean, Caja Laboraleko pibotak ezingo du datozen bi asteetan jokatu. Hilaren 18an hasiko da Kopa.
Iruzkinak
Ez dago iruzkinik
Ordenatu
