Stijn Devolder belgikarrak irabazi du itzulia, eta Tom Steelsek eta Viatxeslav Ekimovek, eguneko bi etapak

Stijn Devolder belgikarrak irabazi du La Panneko Hiru Egunetako sailkapen nagusia. Discovery Channel taldekoak lau segundoko atzerapena zuen Alessandro Ballan liderrarekiko, baina aise jan zion alde hori arratsaldean, 13,7 kilometroko erlojupekoan. Devolderren Viatxeslav Ekimov taldekideak lortu zuen garaipena erlojupekoan, Bart Roesems belgikarrari 18 ehuneneko kenduta. Goizeko saioa Tom Steels belgikarrak irabazi zuen, esprintean.