STYBAR BIKAIN, EUSKALDUNAK OSO ONDO

Zdenek Stybar txekiarrak bigarren aldiz jarraian irabazi zuen herenegun Munduko Ziklo-Kros Txapelketa, Sankt-Wendelen (Alemania). Sven Nys eta Kevin Pauwels belgikarrak sailkatu ziren haren atzetik. Euskal txirrindulariei dagokienez, Egoitz Murgoitio eta Javier Ruiz de Larrinaga oso ondo aritu ziren, eta lehen 30en artean sailkatu ziren biak: abadiñoarra 21.a izan zen, eta zuiarra 29.a. Emakumezkoetan, Marianne Vos herbeheretarrak laugarren txapela jantzi zuen, hirugarrena jarraian. Argazkian, Stybar, helmugan, garaipena ospatzen.