Tau, finalera

Tau Baskoniak Espainiako Kopako finala jokatuko du bihar, gaur, Gasteizen, Iurbentia Bilbaori finalerdian 68-66 irabazita.

Bikain ekin dio Iurbentiak finalerdiari, segituan jarri delako aurretik, eta alde handiz: 3-16. 10-16 bukatu dute lehen laurdena, baina gero faltekin betetzen ari da Bilboko taldea -Weis pibotak hiru falta-, eta aurretik jarri da Tau: 22-20. Atsedenean: Tau irabazten, 34-32.

25. minutuan Weisek laugarren falta egin du (42-39 zihoazen), eta hantxe hasi da partida Tauren alde nabarmenago jartzen, jokalari garrantzitsua delako hura -2,18 metro da luze-. Hirugarren laurdenaren bukaeran: Tauk 53, Iurbentiak 47.

Hamar puntu gora jarri da 36. minutuan: 64-54. Iurbentia bira ipini da zortzi segundo falta zirela, baina ezin. Tauk zortzigarren aldiz jokatuko du Espainiako Kopako finala.

Real Madrilek eta DKV Joventutek jokatuko dute gaur Kopako bigarren finalerdia, 20:00etan (La2).

Bihar finala 18:00etan hasiko da (La2).