Tau Baskoniak Pamesaren kontra jokatuko du Espainiako Kopako final-laurdenetan. Otsailaren 19tik 22ra bitartean izango da aurten Kopako azkeneko fasea, Madrilen, eta gaur egin dute zozketa.
Fase hori ACB Ligako lehen itzuliko aurreneko zazpi sailkatuek eta etxeko taldeak -Estudiantesek aurten- jokatzen dute, eta Tauk berak bukatu du aurrena (hamabost partida irabazi, bat galdu).
Neven Spahija da Pamesako entrenatzailea, iaz Taun aritu zena -Liga irabazi zuten-. ACBko lehen itzulian bederatzi partida irabazi dituzte, zazpi galdu, eta zazpigarren doaz.
Gasteizko taldeak Pamesari irabazten badio, finalerdietan Bartzelona-Real Madril partidako garailearen aurka jokatuko du.
Kopako final-laurdenak
Tau-Pamesa.
Bartzelona-Real Madril.
Unicaja-Kanaria Handia.
Joventut-Estudiantes.
Saskibaloia
Tau-Pamesa, Espainiako Kopako final-laurdenetan
Finalerdietan Bartzelona-Real Madril partidako garailearen aurka jokatuko luke. Otsailaren 19tik 22ra bitartean jokatuko dute azken fasea, Madrilen.
Iruzkinak
Ez dago iruzkinik
Ordenatu
