Tom Dumoulinek (Giant) sei segunduraino zabaldu du Fabio Arurekiko (Astana) duen aldea Espainiako Vueltako sailkapen nagusian. Liderrak erasoa jo du gaur Avilako kaleetan, 19. etapako azken bi kilometroetan, eta hiru segundo gehiago sartu dizkio bigarren sailkatuari, eta bederatzi beste oilarrei. Kolpe handia bainoago, kolpe animikoa izan da, bere burua defendatzeko baino zerbait gehiago egiteko gai dela erakutsi baitu.
Etapari dagokionez, Alexis Gougeard (AG2R) irabazi du. Eguneko ihesaldian sartu eta bakarrik iritsi da helmugara. BIgarren Nelson Oliveira izan da, 44 segundora, eta lehen euskal herritarra Markel irizar, 15. 1.45era.
