Toro Rossok taldeko bi gidariak aldatu ditu

1 FORMULA. Jean-Eric Vergne frantziarra eta Daniel Ricciardo australiarra izango dira Toro Rossoko gidariak 2012an. Vergnek eta Ricciardok Jaime Alguersuari kataluniarra eta Sebastien Buemi suitzarra ordezkatuko dituzte, azken hiru urteetan Toro Rossoko gidari izandakoak. Vergnek 21 urte ditu, eta Ricciardok 22. Biak Red Bulleko gazte taldean aritu dira. Red Bulleko bigarren taldea da Toro Rosso.