Donostiako 5. Instrukzio Auzitegiak tramiterako onartu du Iñaki Badiola Realeko Administrazio Kontseiluko presidente ohiak Markel Olano Gipuzkoako ahaldun nagusiaren eta 2009an aldundiko kide ziren beste lau pertsonaren aurka jarritako salaketa. Aldundiak Realari 6,4 milioi euro barkatu zizkiola eta, erabaki horretan prebarikazio eta agiri-faltsutze deliturik baden ikertuko dute. Hala ere, epaileak Badiolari eskatu dio 80.000 euroko berme bat jar dezala auzia zabaltzeko.
2008ko urtarril eta abendu artean izan zen Realeko Administrazio Kontseiluko buru Badiola, eta diputazioaren eta ogasunaren 2009ko arduradunen aurka jo du auzitara. Olanoz gain, Iñaki Galdos orduko Kirol diputatua, Pello Gonzalez Ogasun diputatu ohia eta Pedro Maria Ruiz de Azua ogasun zuzendaria ere auzitara eraman zituen Badiolak.
Silvia Villanueva epailearen autoak martxoaren 10eko eguna du.
