Tau Baskoniak Gerald Fitch hegalekoa fitxatu du denboraldia amaitu artean. Pete Mickeal hegalekoak Bulgariako pasaportea lortu du eta horrek ahalbidetu dio Gasteizko klubari jokalari atzerritar bat fitxatzea.
1,91 metro da luze Fitch eta 27 urte ditu. Turkian aritu da denboraldi honetan, Kepez BLD Antaya taldean, eta batez beste 28 puntu sartu ditu partidako. Hura izan da Liga erregularreko saskiratzailerik onena. Hiruko jaurtiketetan ia %49ko batez bestekoa eduki du. Aurretik NBAn aritu izan da: Miami
Heaten, Detroit Pistonsen, Houston Rocketsen... Europako beste talde batzuetan ere bai: Zibonan (Kroazia), Clear Cantun (Italia) eta Galatasaray eta Cafe Crownen (Turkia).
Dagoeneko egin du lehen entrenamendua Taurekin. Honek duela bi aste John Lucas basea fitxatu zuen.
Tauk igandean jokatuko du Espainiako ACB Ligako final-laurdenetako lehen partida, etxean, Iurbentia Bilbao Basketen aurka (12:30). Bigarren partida, Bilbon, asteartean. Hirugarrena -behar izango balitz-, hurrengo asteko igandean, atzera Gasteizen.
Saskibaloia
Turkiako Ligako saskiratzailerik onena fitxatu du Tauk
Gerald Fitch hegalekoa Gasteizko taldean ariko da denboraldia bukatu artean.
Iruzkinak
Ez dago iruzkinik
Ordenatu
