Txapeldun izandako garaiko Athletic golen arloan

Espainiako Lehen Mailako Ligaren aurreneko bederatzi jardunaldietan hamazapi gol sartu ditu Athleticek, eta dagoeneko baziren 28 urte arlo horretan halako hasierarik ez zuela egiten. 1982-1983an, Liga irabazi zuen sasoian, hobexeagoa egin zuen: aurreneko bededatzi partidatan hemeretzi gol. Harrezkero, oraingoa baino okerrago beti.

Javier Clemente zen 1982-1983ko entrenatzailea, eta etxean Valentzia (2-1), Sevilla (2-1), Atletico Madril (4-1) eta Malaga (3-2) hartu zituen, eta kanpoan Osasuna (2-2), Valladolid (0-2), Zaragoza (2-1), Espanyol (3-2) eta Sportingen (1-1) aurka aritu zen. Alde, hemeretzi gol. Kontra, hamahiru.

Denboraldi honetan Joaquin Caparrosen taldeak etxean Atletico Madril (1-2), Mallorca (3-0), Barcelona (1-3), Zaragoza (2-1) eta -atzo- Getaferen (3-0) kontra jokatu du, eta kanpoan Hercules (0-1), Sporting (2-2), Valentzia (2-1) eta Sevillaren (4-3) kontra. Alde, hamazazpi gol. Kontra, hamalau.

Fernando Llorente da Athleticeko golegile nagusia orain arte: sei gol. Besteak: Igor Gabilondo (lau), Mikel San Jose (bi), Andoni Iraola (bi), Carlos Gurpegi (bat), David Lopez (bat) eta Iñigo Perez (bat).