Europako eskubaloirik "onena" Donostian izango da hurrengo sasoian. Liga irabazita, Txapeldunen Ligako multzoen fasean jokatzea erabaki du Bera Berak. "Aukera bat da, arriskua baino gehiago", esan du Fernando Diez taldeko presidenteak.
Urriaren 5ean jokatuko dute lehen partida, Gaska kiroldegian. Eusko Jaurlaritzak hartuko ditu Gaska egokitzeko lanen gastuak bere gain, eta ETBk hiru sailak zuzenean eskainiko ditu. Aurkari zein izango dituen datorren astean Vienan egingo duten zozketan jakingo du.
Txapeldunen Ligara sailkatu bada ere, Bera Berak aurrekontua 240.000 euro txikitu beharko du, Eusko Jaurlaritzak eta Gipuzkoako Foru Aldudiak diru laguntzak murriztuko baitizkie. Dei egin diete enpresa eta norbanako guztiei taldearen "erronkarekin" bat egiteko.
