Uberlino Mesa eta Jure Golcer lasterketatik kanpo, onartutako hematokrito tasa gainditzeagatik

Uberlino Mesa kolonbiarra (Colombia-Selle) eta Jure Golcer esloveniarra (Pinzolo) Italiako Girotik kanpo geratu dira, onartutako hematokrito tasa (%50) gainditzeagatik. Nazioarteko Txirrindularitza Elkargoak (UCI) atzo egin zizkien odol analisiak bihar Genoan hasiko den lasterketan parte hartuko duten txirrindulari guztiei, eta Mesa eta Golcer izan ziren muga gainditu zuten bakarrak. Bi txirrindulariok 15 eguneko atsedenaldi behartua egin beharko dute.