Robin Carter, urakana (Paterson, Amerikako Estatu Batuak, 1937ko maiatzak 6 - Toronto, Kanada, 2014ko apirilak 20). Boxeolari mitikoa, ibilbide nahi baino laburragoa izan zuen arren. Pisu ertainean jardun zuen 1961etik 1966ra eta etorkizun oparoko boxeolaria zen, 1966an espetxeratu zuten arte.
Jaioterriko Lafayette tabernan hiru lagun hiltzea leporatuta zigortu zuten, 29 urte zituela. Ia hogei urte eman zituen kartzelan, eta sutsuki defendatu zuen errugabea zela. 1985ean baliogabetu zioten zigorra, eta aske utzi zuten. Epaileak ebatzi zuen arraza aurreiritziengatik zigortu zutela Carter.
Borroka horri abestia jarri zion Bob Dylanek, eta Carterren bizitza kontatuz film bat egin zuten 1999an. Espetxetik atera ostean, modu bidegabean zigortutakoei laguntzen jardun zuen. Prostatako minbiziak jota hil da, 76 urte zituela.
[Youtube]http://youtu.be/hr8Wn1Mwwwk[/Youtube]
