Urtarrilaren 15ean itzuliko da Baskonia Buesa Arenara

Javier De Andres Arabako ahaldun nagusiak Buesa Arena berriko lanak bisitatu zituen atzo goizean, eta lanen bilakaeraren berri eman zuen. De Andresen arabera, Baskonia heldu den urtarrilaren 15ean bueltatu ahal izango da azken hamarkadan bere etxera izan denera. Data horretarako prest egongo dira 9.000 eserleku, eta beharginek partidak ez daudenean jarraituko dute lanean, 15.200 zale inguru hartuko dituen pabiloia osatu arte. 2012ko ekainaren 15ean gertatuko da hori, aurreikuspenen arabera. 30 milioi euro inguru erabiliko dira Buesa Arenako berrikuntzan, eta obrak bukatzen dituztenean, Euskal Herriko kirolgune estali handiena bilakatuko da.