Hiru hilabeteko epea izan du pazientziak. Valladolidek kargutik kendu du Gaizka Garitano. Espainiarrek Lehen Mailari begira ekin zioten denboraldiari, baina txarretik joan dira emaitzak. Lehen bederatzi jardunaldietan bi garaipen, hiru berdinketa eta bost porrot pilatu ditu Valladolidek, eta jaitsiera postuetan dago taldea, bederatzi punturekin. Espainiako Kopako kanporaketan ere huts egin zuen Oviedoren aurka (2-1). Miguel Angel Portugalek ordezkatuko du bizkaitarra. Valladolidek eskertu egin dio hiru hilabete eta erdi hauetan egindako lana, eta arrakasta opa dio etorkizuneko proiektuetan.
