Txarrena ez zen izan Real Madrilen aurkako partida galtzea, ezta lau gol jasotzea ere. Larunbatean Carlos Vela Realeko aurrelariak min hartu zuen Santiago Bernabeun, eta gaur baieztatu dute lesio larria duela. Realak jakinarazi du haustura bat duela eskuin belauneko barne meniskoan, eta ebakuntza egin diote gaur bertan. Ondorioz, ezingo du bi hilabetez jokatu.
Lehen zatian utzi behar izan zuen futbol zelaia Velak. Mikel Sanchezek egin dio gaur ebaketa. Ligako hurrengo zortzi partidak galduko ditu gutxienez. Partida garrantzitsuak izango dira, asteburuaren ostean jaitsiera postuetatik lau puntura baitago.
