Velitsek irabazi du erlojupekoa, eta Nibali jarri da lider

Peter Velitsek (Columbia) irabazi du gaur arratsaldean Espainiako Vueltako 17. etapa, erlojupekoan: Peñafiel-Peñafiel (46 kilometro)-. Denis Mentxov (Rabobank) izan da bigarren hamabi segundora, eta hirugarren Fabian Cancellara (Saxo Bank) 37 segundora. Itzulia irabazteko faboritoen arteko lehian, berriz, Vincenzo Nibalik (Liquigas) lidergoa kendu dio Joaquim Rodriguezi (Katuxa).

Sailkapen nagusian, Ezequiel Mosquera (Xacobeo) da orain bigarren, 39 segundora. Velits hirugarren tokian kokatu da bi minutura, eta Frank Schleck (Saxo Bank) laugarrena da hiru minutu eta 44 segundora. Rodriguezek erlojupeko kaskarra egin du, eta borzgarrena da orain, hiru minutu eta 45 segundora.

Igandean bukatuko da Vuelta, Madrilen. Bihar etapa laua izanen dute, Valladolid eta Salamanca artean (153 kilometro). Etzi, berriz, profil gogorrekoa ez bada ere, tentuz ibili beharrekoa Piedrahita eta Toledo artean -200 km-. Azken aurreko egunean mendiko bertze etapa bat izanen dute, eta hor erabakiko da azken garailea.

Orain arteko etapak

- 1. etapa: Sevilla-Sevilla. Irabazlea: Team HTC-Columbia. Liderra: Mark Cavendish.

- 2. etapa: Alcala de Guadaira-Marbella. Irabazlea: Yauheni Hutarovitx. Liderra: Mark Cavendish.

- 3. etapa: Marbella-Malaga. Irabazlea: Philippe Gilbert. Liderra: Philippe Gilbert.

- 4. etapa: Malaga-Valdepeñas de Jaen. Irabazlea: Igor Anton. Liderra: Philippe Gilbert.

- 5. etapa: Guadix-Lorca. Irabazlea: Tyler Farrar. Liderra: Philippe Gilbert.

- 6. etapa: Carabaca de la Cruz-Murtzia. Irabazlea: Thor Hushovd. Liderra: Philippe Gilbert.

- 7. etapa: Murtzia-Orihuela. Irabazlea: Alessandro Petacchi. Liderra: Philippe Gilbert.

- 8. etapa: Villena-Xorret de Cati. Irabazlea: David Moncoutie. Liderra: Igor Anton.

- 9. etapa: Calpe-Alcoy. Irabazlea: David Lopez. Liderra: Igor Anton.

- 10. etapa: Tarragona-Vilanova i la Geltru. Irabazlea: Imanol Erbiti. Liderra: Joaquim Rodriguez.

- 11. etapa: Vilanova i la Geltru-Andorra. Irabazlea: Igor Anton. Liderra: Igor Anton.

- 12. etapa: Andorra-Lleida. Irabazlea: Mark Cavendish. Liderra: Igor Anton.

- 13. etapa: Rincon de Soto-Burgos. Irabazlea: Mark Cavendish. Liderra: Igor Anton.

- 14. etapa: Burgos-Peña Cabarga. Irabazlea: Joaquim Rodriguez. Liderra: Vincenzo Nibali.

- 15. etapa: Solares-Lagos de Covadonga. Irabazlea: Carlos Barredo. Liderra: Vincenzo Nibali.

- 16. etapa: Gijon-Cotobello. Irabazlea: Mikel Nieve. Liderra: Joaquim Rodriguez.

- 17. etapa: Peñafiel-Peñafiel. Irabazlea: Peter Velits. Liderra: Vincenzo Nibali.