Vuvuzelak ez dituzte debekatuko

LABURRAK

- Vuvuzelak ez dituzte debekatuko. Munduko Kopako antolatzaileek vuvuzelak -partidetan zaleek erabiltzen dituzten plastikozko tronpetak dira- debekatzeko asmoa zutela esan zuen herenegun Danny Jordan batzorde antolatzaileko zuzendariak. Baina azkenean ez dituztela debekatuko jakinarazi zuen atzo Rich Mkhondo batzorde antolatzaileko bozeramaileak. "Ez dira debekatuko. Afrikar kulturaren ikurretako bat dira, eta berdin-berdin adituko dira Munduko Kopa amaitu bitartean". Dena den, horretarako motibo argiren bat egongo balitz debekatu egingo lituzketela aitortu zuen.

- Presidente berria dute Bartzelonako jokalariek. Bartzelona da Munduko Kopan jokalari gehienetakoa duena, eta bart gauetik presidente berria dauka: Sandro Rosell (Bartzelona, 1964). %61,35eko babesa jaso du hauteskundeetan. Agusti Benedito (%14,09), Marc Ingla (%12,29) eta Jaume Ferrer (%10,80) geratu dira ondoren. Nou Camp inguruetan aisialdirako gune handia eraiki nahi du Rosellek, 150 milioi euro inbertituta. Joan Laportaren tokia hartu du. 2003tik egon da Laporta Bartzelonako presidente karguan, eta Rosell harekin izan zen zuzendaritzan 2005era arte; ez ziren konpontzen.

- Nani osatuko da, baina berandu da. Nani Portugalgo aurrelariak etxera buelta behar izan zuen duela egun batzuk, lepauztaia hautsita, baina gaur esan du astebetera osatuta egongo dela. Berandu da, txapelketako zerrendatik kendu egin zutelako.

ESANAK

- Radomir Antic (Serbiako hautatzailea). "Planifikatutakoa egin zuten gure mutilek, ez zuten ezer gaizki egin [0-1 galdu zuten Ghanaren aurka]. Erreakzionatuko dugu".

- Jamie Carragher (Ingalaterrako jokalaria). "Hemengo harmailetako turutek baino buila handiagoa ateratzen dut nik zelaian. Galde dezatela Alfielden [Liverpoolgo zelaian; hangoa da bera]".

- Gianluigi Buffon (Italiako jokalaria). "Gure herriari beste hilabete epiko bat oparitu diezaiokegu".

=b- Samuel Eto'o (Kamerungo jokalaria).=b "Kamerunek mundiala irabaz dezake".

- Cristiano Ronaldo (Portugalgo jokalaria). "Munduko Kopan espero dut orain arteko neure onena ematea".

- Raymond Domenech (Frantziako hautatzailea). "Uruaguairen aurka berdindu egin genuen arren, ez dut bururik moztuko".

- Fernando Hierro (Espainiako Federazioko kirol zuzendaria). "Eurokopa irabazi izanak denon mentalitatea aldatu zuen".

DATUAK

- 86 milioi txinatar telebista ikusle lehen partidan. Txina ez zen sailkatu Munduko Kopa jokatzeko, baina txinatarrak lehiaketa jarraitzen ari dira. 86 milioi txinatarrek ikusi zuten telebista bidez Hegoafrika-Mexiko inaugurazio partida.

- Drogbaren golak Boli Kostan. Didier Drogba aurrelaria da Boli Kostako izar nagusia, baina baliteke bihar ez jokatzea, min hartuta dagoelako. Orain arte 68 partidatan aritu da Drogba selekzioarekin eta 44 gol sartu ditu.

- Lehen atezain aldaketa, Ingalaterran. Robert Green Ingalaterrako atezainak sekulako hutsa egin zuen AEBen aurka -banakoa egin zieten-, eta Fabio Capello hautatzaileak titular beste bat jarriko du hurrengo partidan: David James edo Joe Hart. Selekzio gehienek ez dute oraindik debuta egin Munduko Kopan, eta Ingalaterra ja atezaina aldatzen.