Bradley Wigginsek (Sky) irabazi du Frantziako Tourreko 9. etapa —Arc et Senans eta Besançon artean, 41,5 kilometro—. Irabazteko faborito nagusia zen eta ez du hutsik egin, 51.24ko denbora egin du. Erakustaldia eman du eta Tourra irabazteko faborito guztiak urrundu ditu sailkapenean. Esaterako, Tourreko iazko garaile Cadel Evansi 1.43ko aldea atera dio —seigarren sailkatu da Evans—.
Chris Froome taldekidea izan du atzetik Wigginsek, 35 segundora. Fabian Cancellara izan da hirugarren, 57 segundora.
Sailkapen nagusian Wigginsek lidergoa sendotu du. Evans 1.53ra du orain, eta Froome jarri da hirugarren, 2.07ra.
Haimar Zubeldia hamahirugarren sailkatu da etapan, 2.20ra, eta sailkapen nagusian 6. postuan kokatu da, 3.19ra.
Bihar atseden eguna izango da. Etzi korrituko dute 10. etapa: Macon-Bellegarde sur Valserine, 194,5 kilometro. Alpeetako lehen etapa izango da, eta hiru mendate igaro beharko dituzte: hirugarren mailakoa, bigarrengoa, eta bien artean maila bereziko Grand Colombiere —17,4 kilometro eta batez besteko %7,1eko pendintza—.
Etapako sailkapena
1. Bradley Wiggins (Sky) 51:24
2. Christopher Froome (Sky) 35era
3. Fabian Cancellara (Radioshack) 57ra
4. Tejay Van Garderen (BMC) 1.06ra
5. Sylvain Chavanel (Omega) 1.24ra
6. Cadel Evans (BMC) 1.43ra
7. Peter Velits (Omega) 1.59ra
8. Vincenzo Nibali (Liquigas) 2.07ra
9. Denis Mentxov (Katuxa) 2.08ra
10. Andreas Kloden (Radioshack) 2.09ra
13. Haimar Zubeldia (Radioshack) 2.20ra
Salkapen nagusia
1. Bradley Wiggins (Sky) 39:09:20
2. Cadel Evans (BMC) 1.53ra
3. Christopher Froome (SKY) 2.07ra
4. Vincenzo Nibali (Liquigas) 2.23ra
5. Denis Mentxov (Katuxa) 3.02ra
6. Haimar Zubeldia (Radioshack) 3.19ra
7. Maxime Monfort (Radioshack) 4.23ra
8. Tejay Van Garderen (BMC) 5.14ra
9. Jurgen VAN DEN BROECK (Lotto) 5.20ra
10. Nicolas Roche (Ag2r) 5.29ra
Orain arteko etapak
- Aitzin-etapa (6,4 km-ko erlojupekoa) Irabazlea: Fabian Cancella. Liderra: Fabian Cancella.
- 1. etapa. Irabazlea: Peter Sagan. Liderra: Fabian Cancellara.
- 2. etapa. Irabazlea: Mark Cavendish. Liderra: Fabian Cancellara.
- 3. etapa. Irabazlea: Peter Sagan. Liderra: Fabian Cancellara.
- 4. etapa. Irabazlea: Andre Greipel. Liderra: Fabian Cancellara.
- 5. etapa. Irabazlea: Andre Greipel. Liderra: Fabian Cancellara.
- 6. etapa. Irabazlea: Peter Sagan. Liderra: Fabian Cancellara.
- 7. etapa. (lehen mailako mendatean bukatu da) Irabazlea: Christopher Froome. Liderra: Bradley Wiggins.
- 8. etapa. Irabazlea: Thibaut Pinot. Liderra: Bradley Wiggins.
- 9. etapa (41,5 km-ko erlojupekoa). Irabazlea: Bradley Wiggins. Liderra: Bradley Wiggins.
