Xabier Azkargortak Bolivia zuzenduko du berriro

FUTBOLA. Atzo aurkeztu zuten Xabier Azkargorta (Azpeitia, Gipuzkoa, 1953) Boliviako hautatzaile gisa. Azkargortak helburu zehatza izango du: Bolivia 2014ko Brasilgo Munduko Koparako sailkatzea. Azpeitiko entrenatzaileak 1993tik 1994ra zuzendu zuen Bolivia, eta 1994ko AEBetako Munduko Koparako sailkatu. «Oso pozik nago. Herrialde honek eman didana itzultzen saiatuko naiz».