Xala: «Aspaldian ez dut aurkitu gustuko pilotarik»

ESKU-HUSKA. Xalak bere enpresak jarritako pilotak kritikatu zituen atzo, larunbateko Gasteizko partidarako aukeraketan: «Asegarceren sortako bi pilota hartu behar izan ditugu. Nekatuta nago pilotekin. Astero nabil hitz egiten. Aldatu zituztenetik ez dut gustukorik aurkitu». Olaizola II.a-Beroizek, berriz, ez zuten kexarik izan. Urdulizen, Irujo-Barriola eta Bengoetxea VI.a-Apraiz gustura gelditu ziren pilotekin.