Xala eta Laskurain kexu azaldu dira aurkariek hautatutako pilotekin, "biziegiak" direlako. Bikotearen esanetan pilotak "oso-oso bote handikoak dira". Eurek hartutako pilotak "egokiagoak" direla uste dute. Titin eta Merino, aldiz, konforme azaldu dira materialarekin.
Xala-Laskurain eta Titin III-Merino II bikoteek Binakako txapelketako final handirako materiala hautatu dute gaur, Bilboko Miribillan. Bertan jokatuko da finala igande honetan.
Apustuak parean irtengo dira, nahiz eta Titinek eta Merinok finalerdietako ligaxkako partida irabazi.
