Yves Salaberri Xala-k ez du gaur Buruz Buruko Txapelketako final-laurdenetako partida jokatuko Juan Martinez de Irujoren aurka, Bilbon, lunbalgiak jota dagoelako. Jadanik ezin duenez atzerapenik eskatu, txapelketatik at geratu da Xala egungo txapelduna. Irujo finalerdietan Mikel Idoateren aurka ariko da.
Aspe enpresak esan duenez, Xalak atzo arratsaldean izan zituen lunbalgiako lehen arazoak. Gaur Bilboko Bizkaia pilotalekuan izan da frogak egiten, baina ikusi du ezinezkoa zaiola ondo aritzea, eta uko egin dio final-laurdena jokatzeari.
Gaurko partida horren ordez, beste bat antolatu dute: Irujo-Laskurain, Titin III.a-Zubieta.
