Xalak zaintiratua izan du gerrian, eta bertan behera utzi du Tolosan jokatzen ari zen Binakako Txapelketako partida. Ondorioz, Julen Retegik eta Beñat Rezustak ligaxkako lehen puntua lortu dute (22-14). Lekuinekoak min hartu duenean, bera eta David Merino aurretik ziren (14-10).
Aurrelariak gerriko eta bizkarrezurreko —lunbalgiak— minak izan ditu azken hilabeteetan eta lesioaren larritasuna zehazteke dago. Altuna III.ak ordezkatuko du igandean, Bengoetxea VI.a eta Aretxabaletaren aurka.
Markagailua: 0-1, 9-1, 9-3, 10-3, 10-4, 11-4, 11-5, 12-5, 12-6, 13-6, 13-10 eta 14-10.
