XIBA TXAPELKETA. Zizurkilek irabazi du Xibako finala

Zizurkilek irabazi zuen atzo Tolosako Usabalgo frontoian jokatu ziren Xiba Txapelketako finalak. Hasiera batean zezen-plazan jokatzekoak baziren ere, eguraldi kaskarrarengatik, frontoian jokatu zituzten finalak. Zizurkilek 851 puntu atera zituen, eta sei puntuko aldea atera zion bigarrenari, Idiazabali. Hirugarren postuan Usurbil sailatu zen, 827 punturekin. Aipatzekoa da Igeldoko taldeko neska batek bi minututan 34 aldiz jaso zuela 34 kiloko harria, eta mutilen mailan, Egiako ordezkariak 64 aldiz jaso zuen 25 kilokoa. Finaletan 300 lagunek parte hartu zuten, eta frontoia bete egin zen. imanol otegi / Ap